ناکام افراد کے تباہ کن رویے

ناکام افراد کے تباہ کن رویے

تحریر: فیضاں اشرف 

اکثر اوقات انسان کو بدقسمت حالات کا سامنا ہوتا ہے ۔ مگر ایسے واقعات بھی کم نہیں جن میں ہم خود اپنے بدترین دشمن ثابت ہوتے ہیں ۔ در حقیقت چند رویے ایسے ہوتے ہیں ۔ جو انسان کی کامیابی کی راہ میں رکاوٹ بن جاتے ہیں ۔ یہا ں میں ایسی ہی چند بری عادتوں کا ذکر کروں گا جن کے ہوتے ہوئے کامیابی کا سفر بہت مشکل ہو جاتا ہے

ہمیشہ جواز تلاش کرنا                                                                                
اگر تو آپ سے غلطی ہوئی ہے تو اس کی وضاحت اور وجہ کو تلاش کرنا چاہیے ۔ تا ہم اگر آپ نے اپنی ناکامی کے جواز پیش کرناشروع کر دیئے تو یہ عادت آگے بڑھ کر مسلسل ناکامیوں کا پیش خیمہ ثابت ہو سکتی ہے ۔ ایک تحقیق کے مطابق اپنی غلطیوں کو جواز میں چھپانا دیگر آفراد کی نظر میں آپ کی دیانتداری کو مشکوک بناتی ہے،ذاتی مقاصد تباہ ہونے لگتے ہیں اور آپ خود پسند ہو جاتے ہیں ۔

اپنی صحت کو نظر انداز کرنا                                                                       
اگر آپکی کامیابی کی قیمت آپ کی صھت ثابت ہو تو وہ کسی اہمیت کی حامل نہیں ہوتی ، کامیاب افراد اپنی صحت کا خیال رکھنا نہیں بھولتے ، ناکام افراد محنت تو بہت زیادہ کرتے ہیں مگر صحت پر توجہ نہ دینے پر بھاری قیمت ادا کرتے ہیں اور وہ جان کی قیمت بھی ہو سکتی ہے ۔

تنقید برداشت نہ کرنا                                                                              
کوئی بھی شخص تنقید پسند نہیں کرتا ،تاہم اگر اس کو تعمیراتی انداز میں لینا سیکھنے کے مواقع پیدا کرتا ہے ، اس طرح زندگی میں کامیابی کا دروازہ کھل سکتا ہے ۔

اپنی انفرادیت کھو دینا                                                                           
ناکام افراد ہجوم کا حصہ بن جاتے ہیں ، جبکہ کامیاب افراد ہزاروں افراد میں بھی نمایاں ہوتے ہیں ۔

منفی چیزوں کو اردگرد رکھنا                                                                        
منفی خیال چھوت طرح پھیلتا ہے ، ایک تحقیق کے ،مطابق اگر منفی سوچ رکھنے والے افراد ہو تو آپ کا اپنا رویہ بھی اس کی عکاسی کرنے لگتا ہے

خود کو الگ تھلگ کر لینا                                                                          
جود کو الگ تھلگ کر لینا اپنی شخصیت کو تباہی کے راستے پر ڈالنے کی علامت ہوتی ہے ، یہ کسی بھی طرح صحت مند رویہ نہیں ۔

کوئی کام مکمل نہیں کرتے                                                                         
کامیابی عزم اور تسلسل کا مرکب ہے ، اگر آپ ہمیشہ اپنے منصوبوں کو کسی دوسری بہترین چیز کے لئے چھوڑ دیتے ہیں تو آخر میں آپ کے ہاتھ میں مایوسی کے سوا کچھ نہیں آئے گا۔

دیگر افراد کو نیچے گرانا                                                                          
مسابقت میں برائی نہیں ، بیشتر افراد ہجوم سے ابھر کر سامنے آنا چاہتے ہیں ، تاہم اس بات کو یقینی بنایا جانا چاہیے کہ آپ کی توجہ اپنی ذاتی کی بہتری پر مرکوز اور دیگر افراد کو نیچے گرانے میں نہ لگے رہیں ۔

ٹال مٹول اور وقت ضائع کرنا                                                                       
ٹال مٹول کی عادت وقت کی دشمن ہوتی ہے ، اگر تو آپ خیالی پلاؤ پکانے کے عادی ہیں تو آپ کو اس سے بچنے کی کوشش کرنی چایئے ۔

اعتماد کی کمی                                                                               
آنکھوں میں آنکھیں نہ ڈالنا ، نروس جسمانی حرکات اور مضطرب ہاتھ پیر چلانا خراب باڈی لینگویج کی چند علامات ہیں جو اعتماد کی کمی کو ظاہر کرتی ہیں اور ناکام افراد میں یہ عام نظر آتی ہیں ۔