فیس بک سے ای کامرس میں ایک نئی جدت،نئے فیچر متعارف کرا دیئے

فیس بک سے ای کامرس میں ایک نئی جدت،نئے فیچر متعارف کرا دیئے

سوشل میڈیا کے جہاں کی مقبول ترین سائٹ فیس بک نئے ای کامرس فیچرز متعارف کرانے کی طرف بڑھ رہی ہے۔

فیس بک کے یہ نئے متعارف کردہ فیچرز مختلف روزمرہ کی سہولیات کے حصول کے لیے یوزرز کا مشترکہ مقام ثابت ہوں گے۔ ان سہولیات میں کھانے کا آرڈر دینا، کسی فلم کی خریداری اور کسی تفریحی ایونٹ کے ٹکٹ کا حصول شامل ہیں۔

اس کے علاوہ فیس بک کی اپ ڈیٹ میں اب بزنس پیجز مزید براہ راست رابطوں کے آپشنز کے ساتھ سامنے آئیں گے۔ مثال کے طور پر استعمال کنندہ کے علاقے میں قائم ریستوراں کی فوڈ ڈیلیوری کی پیشکش اسے فیس بک پر دست یاب ہوگی، جس پر یوزر متعلقہ پیج پر جاکر ایف بی کے ذریعے ہی آرڈے دے سکے گا۔ اس طرح فیس بک نے فوڈ انڈسٹری کو بہت بڑی مارکیٹ فراہم کردی ہے۔

فیس بک سیلونز کے حوالے سے بھی ایک آپشن متعارف کرارہا ہے۔ “get quote” کے حوالے سے متعارف کرایا جانے والا یہ آپشن سیلونز میں خدمات حاصل کرنے کے لیے ریکویسٹ بھیجنے کی سہولت فراہم کرے گا۔

“recommendations” کے عنوان سے ایک اور فیچر متعارف کرایا گیا ہے جو آپ کی فیس بک پوسٹس کا حصہ ہوگا۔ یہ فیچر یوزر کو مقامی بزنسز سے متعلق اپنی فرینڈ لسٹ میں موجود افراد کو مشورہ دینے کی سہولت فراہم کرے گا۔ اس فیچر کے تحت فیس بک کے پیج کی سائڈبار پر recommendation بک مارک بھی دیا جائے گا۔

آنے والے ہفتوں میں فیس بک ایک اور نیا آپشن بھی سامنے لائے گا، جس کے ذریعے اس سائٹ کے استعمال کنندگان جان پائیں گے کہ ان کے علاقے میں کیا ہورہا ہے۔

فیس بک کے یہ نئے فیچرز اور آپشنز فی الحال صرف اس سائٹ کے امریکا میں مقیم یوزرز کے لیے دست یاب ہوں گے۔